Wo be-hijaab  Sare-Bazm  Aa kay  pachtaaye,
Kisi   kay Hosh pay Bijli    Gira kay  pachhtaaye..

Nawazishain teri har Sijda-roo pay theen Lekin,
Ham Aastaan pay teray Sar jhuka kay pachhtaaye.

Khushi ka apni kiya Ham nay  istarah   Maatam,
Chaman main jaisay  Kali muskra kay pachhtaaye.

Wo raah Ishq Ki Qurbaaniyaan  na poochh ae Dost,
Wafa  kay Naam pay Hasti mita kay  pachhtaaye.

Na iltifaat hi paaya  Na Chashme-Wa main Tarham,
Fasaanaye Dil- muztar  Sunaa   kay   pachhtaaye.

Unheen ki zaat say Khaaye Freb yun  payham,
Ki aaj Ham unhain  Apna bana  kay  pachhtaaye.

Huye "SHAMEEM" ki  bedaad  par bahut Barham,
Usay Woh Bazm main apni bulaa kay  pachhtaaye.

                                  SHAMEEM  BUKHAARI