Tawazun  Saahilon  ka kho gaya hai ,
Wo Darya jab say  Paagal  ho gaya hai.


Chirag-e-Taaq tha Jo meray ghar main ,
Saveray ko wo  Sooraj ho gaya hai .


Guzarta hoon to ye lagta hai koi,
Meray rastay main Khushbu bo gaya hai.


Na chedo paid ki shaakhain hila kar ,
Thaka haara Parinda so gaya hai.


Main kaisay Muflisi tujh  ko  chhipaaun,
Mera Bachcha syaana ho gaya hai.


Ye kisi ki Aankh say Baadal baraskar,
Meri Vaadi ka chahra dho gaya hai.


Hamaari Fikr ka "Mamnoon' Shaheen,
Bulandi par Sitaara ho gaya hai .


                            DR. MAMNOON